Asides

• 

• 

• 

महिलांकडे पॅनल इकॉनॉमी असल्यानेच आपण जिल्हा बँकेच्या माध्यमातून बचत गटांतील ९७ हजार महिलांना रोजगाराच्या प्रत्यक्ष संधी निर्माण केल्या होत्या. आता शिर्डी या आंतरराष्ट्रीय धार्मिकस्थळला भेट देणाऱ्या सुमारे तीन कोटी भाविकांच्या संख्येचा विचार करून  टाटा केमिकल्स सोसायटी फॉर रुरल डेव्हलपमेंट (टीसीएसआरडी) च्या कस्तुरी विभागाने ग्रामीण भागातील बचत गटांना मार्गदर्शन करून राज्यातील महिलाबचत गटांना प्रेरणादायी ठरेल असे काम करावे अशी अपेक्षा माजी मंत्री आ. राधाकृष्ण विखे पाटील यांनी व्यक्त केली.

लोणी येथे जनसेवा फौंडेशन व पंचायत समिती राहाता यांच्या संयुक्त विद्यमाने स्वयंम सिद्धा यात्रा राहाता तालुकास्तरिय सक्षम महिला महोत्सव २०१९ भव्य प्रदर्शन विक्री खाद्य महोत्सवाचे उदघाटन  करताना माजी मंत्री आ राधाकृष्ण विखे बोलत होते याप्रसंगी माजी मंत्री आणासाहेब म्हस्के पाटील,टाटा केमिकल्स सोसायटी फॉर रुरल डेव्हलपमेंट (टीसीएसआरडी) च्या कस्तुरी विभागाच्या प्रमुख मुग्धा शहा ,प्रशिक्षण प्रमुख डॉ. मंजुषा कदम ,प स सभापती हिराबाई कातोरे,उपसभापती बबलू म्हस्के, कृषी उत्पन्न बाजार समितीचे सभापती बापूसाहेब आहेर,शिर्डी नगरपालिकेच्या नगराध्यक्षा अर्चना कोते,तहसीलदार कुंदन हिरे, जितेंद्र मेटकर, भारत घोगरे ,प्रकल्प संचालक रुपाली लोंढे आदी मान्यवर उपस्थित होते. प्रारंभी गटविकास अधिकारी समर्थ शेवाळे यांनी प्रास्ताविक केले.

यावेळी श्री विखे पाटील  म्हणाले कि, महिलांमध्ये कर्तृत्व सिद्ध करण्याची जिद्द असते ,जिल्हा परिषदेच्या अध्यक्ष ना. सौ. शालिनीताई विखे पाटील यांनी स्वयंसिध्दा यात्रेच्या माध्यमातून बचत गटातील महिलानांनी उत्पादित केलेल्या वस्तूंना बाजारपेठ मिळवून देण्याचे मोठे काम केले असून, जिल्हा बँकेच्या माध्यमातून आपणही सुमारे ९७ हजार महिलांना कर्जाच्या माध्यमातून मदत करण्याचा प्रयत्न केला होता. ९८ टक्के कर्जाची वसुली असलेल्या महिलांच्या बचत गटांना भांडवलाबरोबरच प्रशिक्षण देऊन हे गट उत्पादित करीत असलेल्या वस्तूंचे वर्गीकरण करून टाटा केमिकल्स सोसायटी फॉर रुरल डेव्हलपमेंट (टीसीएसआरडी) च्या कस्तुरी विभागाने राज्यातील महिलांना प्रेरणादायी ठरेल असे काम करावे अशी अपेक्षा व्यक्त करताना या कामी सहकार्य करीत असलेल्या नाबार्ड बँकेचे माजी अध्यक्ष डॉ. यशवंत थोरात यांचे आभार व्यक्त केले.

टाटा केमिकल्स सोसायटी फॉर रुरल डेव्हलपमेंट (टीसीएसआरडी) च्या कस्तुरी विभागाच्या मुग्धा शहा, माजी मंत्री अण्णासाहेब म्हस्के पाटील यांनी हि आपले मनोगत व्यक्त केले. यावेळी   स्वच्छ भारत मिशन अंतर्गत संत गाडगेबाबा स्वच्छता अभियान २०१८ मधील उत्कृष्ठ ग्राम पंचायत पुरस्कार, बचत गटांना कर्ज वाटप ,तालुकास्तरीय हिरकणी पुरस्कार प्राप्त बचत गटांना प्रमाणपत्र वाटप करण्यात आले. जी प. सदस्या सौ. कविताताई लहारे,  पुष्पाताई रोहम,दिनेश बर्डे, शाम माळी,प. स सदस्य उमेश जपे, भारत अंत्रे,संतोष ब्राह्मणे, काळू राजपूत,सौ. अर्चनाताई आहेर, शोभाताई जेजुरकर,सौ.नंदाताई तांबे,सौ.सुवर्णाताई तेलोरे, गट विकास अधिकारी समर्थ शेवाळे, उपविभागीय कृषी अधिकारी सुधाकर बोराळे,तालुका  कृषी अधिकारीडॉ. बापूसाहेब शिंदे, कृषी विज्ञान केंद्राचे प्रमुख शास्त्रज्ञ डॉ. संभाजी नालकर, लोणी बु;चे सरपंच लक्ष्मण बनसोडे,उपसरपंच  अनिल विखे, लोणीखुर्दच्या सरपंच सौ. मनीषा आहेर, उपसरपंच सौ. सुवर्ण घोगरे यांचे सह महिला बचत गटातील महिला मोठ्या संख्येने उपस्थित होत्या.

पद्मश्री विखे पाटील पॉलिटेक्निकच्या ऑटोमोबाईल विभागात सेवेत असलेले प्रा. गणपत अण्णासाहेब गागरे रा. कानडगाव ता. राहुरी ( वय २९ वर्षे) यांचे ह्रदयविकारामुळे नुकतेच रोजी निधन झाले.

महाराष्ट्र राज्य तंत्रशिक्षण मंडळाच्या ऑनलाईन परिक्षेकरीता निरिक्षक म्हणून प्रा. गागरे हे अकोले येथील तंत्रनिकेतनात गेले होते. दुपारी जेवण झाल्यावर अचानक त्रास सुरू झाल्याने त्यांना तातडीने संगमनेर येथील दवाखान्यात नेण्यात आले. परंतू त्याअगोदरच त्यांची प्राणज्योत मालवली होती. त्यांच्या निधनाची बातमी समजताच तंत्रनिकेतनातील सर्व कर्मचारी व विद्यार्थी वर्गात शोककळा पसरली. प्रा. गागरे हे अतिशय गरिब कुटूंबातील होते. अतिशय कष्टाने अभियांत्रीकी पुर्ण करून लोणी येथील तंत्रनिकेतनात नोकरी सुरू केली होती. त्यांची नुकतीच उच्चशिक्षणाची पदवी देखील पुर्ण झाली होती. विद्यार्थी प्रिय शिक्षक व मितभाषी स्वभावामुळे ते सुपरिचित होते. त्यांच्या निधनामुळे त्यांच्या कुटूंबाला मोठा धक्का बसला आहे. त्यांच्यापश्चात आई, वडील, बहीन, पत्नी व मुलगी असा परिवार आहे.  गागरे यांच्या आकस्मिक निधनाबद्दल संस्थेचे अध्यक्ष माजी मंत्री राधाकृष्ण विखे पाटील, जिल्हा परिषदेच्या अध्यक्षा नामदार सौ. शालिनीताई विखे पाटील, खासदार डॉ. सुजयदादा विखे पाटील, तंत्रनिकेतनचे प्राचार्य, सर्व शिक्षक व विद्यार्थी यांनी शोक व्यक्त केला आहे.

प्रवरा पब्लिक स्कूलमध्ये  क्राँस्- कंन्ट्री  स्पर्धा उत्साहात संपन्न झाल्या असल्याची माहिती प्राचार्य सयाराम शेळके  यांनी दिली.

वेगवेगळया हाऊसधील ३७६  विदयार्थ्यांनी  या स्पर्धेत  भाग घेतला. वेगवेगळया  तीन वयोगटात मुलांच्या व दोन वयोगटात मुलींच्या यास्पर्धा झाल्या.  एकूण ४८ विदयार्थ्यीनीनी सहभाग घेतला.धावण्याच्या स्पर्ध्ये मध्ये मुलांमध्ये रोहीत सोरे, प्रविण भोये, तेजस कापडनीस व मुलींमध्ये प्राप्ती शेळके, समृदधी शेळके यांनी चांगल्या प्रकारे यश संपादन केले.तसेच सिनिअर व ज्युनिअर वयोगटामध्ये नेताजी हाऊस व सबज्युनिअर वयोगटामध्ये तानाजी हाऊस् व मुलींमध्ये एस.पी. व तानाजी हाऊसने यश संपादन केले.तसेच आय.पी.एस.सी. मेंबर शीप असलेल्या प्रवरा पब्लिक स्कूलने इंदोर येथे पार पडलेल्या राष्ट्रीय व्हॉलीबॉल स्पर्धेत चुतर्थ क्रमांक मिळवला. आय.पी.एस.सी आयोजित१७ वर्ष मुले या वयोगटातील सदर स्पर्धा ‘इमराल्ड हाईटस इंटरनॅशनल स्कूल’ इंदारे या ठिकाणी पार पडली. या स्पर्धेत देशातील एकूण दहा संघ सहभाग झाले होते. अटीतटीच्या व रोम हर्षक झालेल्या या व्हॉलीबॉल स्पर्धेत प्रवरा पब्लिक स्कूल चौथ्या स्थानावर राहिले.१७ वर्षे वयोगटातील या संघाचे नेतृतव दर्शन सोळंके  यांनी केले तर चेतन पाटील, संकेत कोरडे, नितीन दिवे, दर्शन गांगुर्डे या खेळाडूनंनी अतिशय चांगले प्रदर्शन केले.

स्पर्धेकांचे शाळेचे संचालक त कर्नल डॉ . के. जगन्नाथन, उपप्राचार्य श्री.के.टी.आडसूळ व श्री.एम.ई.जोसेफ यांनी अभिनंदन केले. यशस्वी स्पर्धेकांना शाळेचे क्रिडा शिक्षक श्री. जाधव डी. के., श्री.शेख कदीर, श्री. कडसकर किरण, श्री.दळे प्रतिक,श्री. आसिफ खान,श्री.सुरज मारावि यांचे मार्गदर्शन लाभले.

फोटो कॅप्शन:- प्रवरा पब्लिक स्कूलमध्ये  क्राँस्- कंन्ट्री  स्पर्ध्येमध्ये सहभागी झालेले खेळाडू

लोकनेते डॉ. बाळासाहेब विखे पाटील (पद्मभूषण उपाधीने सन्मानित) प्रवरा ग्रामीण शिक्षण संस्थेच्या लोणी येथील कृषी महाविद्यालत नुकताच कृषी शिक्षण दिवस साजरा करण्यात आल्याची माहिती महाविद्यालयाचे प्राचार्य प्रा. निलेश दळे यांनी दिली.

महाविद्यालयाच्या राष्ट्रीय सेवा योजनेच्या एककाच्या वतीने सदर कार्यक्रमाचे आयोजन केले होते. या वेळी महाविद्यालयातील प्रा. रमेश जाधव यांनी देशातील व महाराष्ट्र राज्यातील कृषीक्षेत्रात उपलब्ध असलेल्या विविध अभ्यासक्रमांची विद्यार्थ्यांना माहिती देताना भविष्यातील संधीची जाणीव करून दिली. तसेच कृषी पदवीधारकांनी शेतकरी सुखी होण्यासाठी विशेष प्रयत्न करण्याचे त्यांनी आवाहन केले. सदर कार्यक्रम यशस्वी करण्यासाठी राष्ट्रीय सेवा योजनेचे कार्यक्रम अधिकारी प्रा. संदीप पठारे, प्राध्यापक वृंद  व सर्व स्वयंसेवक यांनी विशेष परिश्रम घेतले.

फोटो कॅप्शन :-लोणी येथील कृषी महाविद्यालत कृषी शिक्षण दिवस निमित्त आयोजित कार्यक्रमात मार्गदर्शन करताना रा. रमेश जाधव समवेत  प्राचार्य प्रा. निलेश दळे, प्रा. संदीप पठारे, प्राध्यापक वृंद  व सर्व स्वयंसेवक.

युवकांचा कृषी क्षेत्रातील सहभाग वृद्धिंगत व्हावा या उद्देशाने कृषी शिक्षणात नैपुण्य मिळवणाऱ्या विद्यार्थ्यांचा गौरव ह्युमन सर्व्हिस फाऊंडेशन आणि मिडीया एक्झिबिटर्स, नाशिक यांच्या संयुक्त विद्यमाने आयोजित आंतरराष्ट्रीय कृषीथॉन कृषी प्रदर्शनात लोणी येथील कृषी जैवतंत्रज्ञान महाविद्यालयातील सौरभ केदार या विद्यार्थ्यांला ‘कृषीथॉन कृषी गुणवंत पुरस्कार’ प्रदान करण्यात आला असल्याची माहिती प्राचार्य ऋषिकेश औताडे यांनी दिली.

कृषी जैवतंत्रज्ञान अंतिम वर्षात शिक्षण घेणाऱ्या आणि कृषी विस्तार, संशोधनाबरोबरच सामाजिक, सांस्कृतिक, ग्रामविकास आदी क्षेत्रात सक्रिय असणाऱ्या उपक्रमशील अशा विद्यार्थ्यांना ‘गुणवंत कृषी विद्यार्थ्यांना पुरस्कार’ देऊन गौरविण्यात येते. गुणवंत कृषी विद्यार्थी पुरस्कारासाठी महाराष्ट्रातील विविध महाविद्यालयांतून प्राप्त झालेल्या ३५०० प्रस्तावांपैकी ४२ विद्यार्थ्यांची निवड करण्यात आली. यात लोणी येथील कृषी जैवतंत्रज्ञान महाविद्यालयात चतुर्थ वर्षात शिकत आसलेला चि. सौरभ केदार या विद्यार्थिची निवड करून त्याला हा ‘कृषीथॉन कृषी गुणवंत पुरस्कार’ प्रदान करण्यात आला आहे.

या विद्यार्थ्यांच्या नेत्रदीपक कामगिरीबद्दल संस्थेचे अध्यक्ष आ. श्री. राधाकृष्ण विखे पाटील, जिल्हा परिषदेच्या अध्यक्षा सौ. शालिनीताई विखे पाटील, विश्वस्त आण्णासाहेब म्हस्के, खासदार डॉ. सुजय विखे पाटील, संस्थेचे महासंचालक डॉ. यशवंत थोरात, सहसचिव भारत घोगरे, शिक्षण व आस्थापना संचालक डॉ. दिगंबर खर्डे, डॉ.हरिभाऊ आहेर, डॉ. विजय आहेर, कृषी व संलग्नित महाविद्यालयाचे कृषी शिक्षण संचालक डॉ. मधुकर खेतमाळस,प्राचार्य ऋषिकेश औताडे,प्राचार्य निलेश दळे,प्राचार्य रोहित उंबरकर तसेच शिक्षक-शिक्षकेतर कर्मचारी यांनी अभिनंदन केले.

फोटो कॅप्शन :-ह्युमन सर्व्हिस फाऊंडेशन आणि मिडीया एक्झिबिटर्स, नाशिक यांच्या संयुक्त विद्यमाने आयोजित आंतरराष्ट्रीय कृषीथॉन कृषी प्रदर्शनात लोणी येथील कृषी जैवतंत्रज्ञान  महाविद्यालयातील  सौरभ केदार या विद्यार्थ्यांला ‘कृषीथॉन कृषी गुणवंत पुरस्कार’  प्रदान करताना मान्यवर

युवकांचा कृषी क्षेत्रातील सहभाग वृद्धिंगत व्हावा या उद्देशाने कृषी शिक्षणात नैपुण्य मिळवणाऱ्या विद्यार्थ्यांचा गौरव ह्युमन सर्व्हिस फाऊंडेशन आणि मिडीया एक्झिबिटर्स, नाशिक यांच्या संयुक्त विद्यमाने आयोजित आंतरराष्ट्रीय कृषीथॉन कृषी प्रदर्शनात लोणी येथील कृषी व्यवसाय व व्यवस्थापन महाविद्यालयातील कु. पियुषा सिनारे या विद्यार्थिनीला ‘कृषीथॉन कृषी गुणवंत पुरस्कार’  प्रदान करण्यात आला असल्याची माहिती प्राचार्य रोहित उंबरकर यांनी दिली.

कृषी अभियांत्रीकी,कृषीव्यवसाय व व्यवस्थापन,कृषी जैवतंत्रज्ञान अंतिम वर्षात शिक्षण घेणाऱ्या आणि कृषी विस्तार, संशोधनाबरोबरच सामाजिक, सांस्कृतिक, ग्रामविकास आदी क्षेत्रात सक्रिय असणाऱ्या उपक्रमशील अशा विद्यार्थ्यांना ‘गुणवंत कृषी विद्यार्थ्यांना पुरस्कार’ देऊन गौरविण्यात येते.  गुणवंत कृषी विद्यार्थी पुरस्कारासाठी महाराष्ट्रातील विविध महाविद्यालयांतून प्राप्त झालेल्या ३५०० प्रस्तावांपैकी ४२ विद्यार्थ्यांची निवड करण्यात आली. यात  लोणी येथील कृषी व्यवसाय व्यवस्थापन महाविद्यालयात  चतुर्थ वर्षात शिकत आसलेली कु. पियुषा सिनारे या विद्यार्थिनीची  निवड करून तिला हा   ‘कृषीथॉन कृषी गुणवंत पुरस्कार’  प्रदान करण्यात आला आहे.

कु. पियुषा सिनारे या या विद्यार्थिनीच्या नेत्रदीपक कामगिरीबद्दल संस्थेचे अध्यक्ष आ. श्री. राधाकृष्ण विखे पाटील, जिल्हा परिषदेच्या अध्यक्षा सौ.  शालिनीताई विखे पाटील, विश्वस्त आण्णासाहेब म्हस्के, खासदार डॉ. सुजय विखे पाटील, संस्थेचे महासंचालक डॉ. यशवंत थोरात, सहसचिव भारत घोगरे,  शिक्षण व आस्थापना संचालक डॉ. दिगंबर खर्डे,  डॉ. हरिभाऊ आहेर, डॉ. विजय आहेर, कृषी व संलग्नित महाविद्यालयाचे कृषी शिक्षण संचालक डॉ. मधुकर खेतमाळस,प्राचार्य निलेश दळे,प्राचार्य ऋषिकेश औताडे तसेच  शिक्षक-शिक्षकेतर कर्मचारी यांनी अभिनंदन केले.

फोटो कॅप्शन :- ह्युमन सर्व्हिस फाऊंडेशन आणि मिडीया एक्झिबिटर्स, नाशिक यांच्या संयुक्त विद्यमाने आयोजित आंतरराष्ट्रीय कृषीथॉन कृषी प्रदर्शनात लोणी येथील कृषी व्यवसाय व व्यवस्थापन महाविद्यालयातील कु. पियुषा सिनारे या विद्यार्थिनीला ‘कृषीथॉन कृषी गुणवंत पुरस्कार’  प्रदान करताना मान्यवर.

बाभळेश्वर येथे पद्मश्री डॉ. विठ्ठलराव विखे पाटील विद्यालय आणि कनिष्ठ महाविद्यालयामध्ये  अहमदनगर ड्रॉप रो बॉल निवड चाचणी स्पर्ध्येच्या उदघाटन प्रसंगी . राहता तालुका गट शिक्षणाधिकारी श्री काळे, विस्तार अधिकारी श्री. ज्ञानेश्वर वाघचौरे , अहमदनगर क्रीडा महासंघाचे अध्यक्ष सुनील गागरे,सचिव भाऊसाहेब बेंद्रे, मुख्याद्यापक दिपक डेंगळे ,क्रिडा शिक्षक सुनील आहेर,शशिकांत म्हस्के,हनुमंत गिरी,ज्ञानेश्वर जोंधळे,श्री आव्हाड आदी.

आपण मोठं व्हा पण ज्या शाळेत आपण शिकलो त्या शाळेला विसरु नका.आपल्या प्रगतीत शाळेचा वाटा मोठा आहे म्हणून एकञ या.. बोला बसा..आणि एकोपा कायम ठेवा असे प्रतिपादन जिल्हा परिषदेच्या अध्यक्षा ना. सौ.शालीनीताई विखे पाटील यांनी केले.
      

राहाता तालुक्यातील दाढ बुद्रुक येथील माजी विद्यीर्थी तब्बल १९ व्या वर्षानी एकञ येत महात्मा फुले विद्यालय दाढ बुद्रुक शाळेतील आठवणीला माजी विद्यार्थ्यांनी उजाळा दिला.यावेळी सौ.विखे पाटील या विद्यार्थ्याना मार्गदर्शन करतांना बोलत होत्या.कार्यक्रम यशस्वीतेसाठी असलम शेख,कपील तांबे,पवन तांबे,एकनाथ नाईवाडी,गणेश पवार,मनिषा तांबे,सुनंदा तळोले,संदीप माकोणे,दत्तू थेटे आदी विशेष परिश्रम घेतले.
       

आपल्या मार्गदर्शन करतांना सौ.विखे पाटील म्हणल्या आज प्रवरेत होणारे माजी विद्यार्थी मेळावे दिशादर्शक आहेत यांतून विचारांचे मंथन होते.गावसाठी..शाळेसाठी मद्दत होते.आपण किती मोठे झालो तरी आपली शाळा आपण कायम स्मरणात ठेवावी कारण शालेतून मिळालेले संस्कार यामुळे आपण आज समाजात उभे आहोत असे एकञ या असा संदेश दिला.

फोटो कॅप्शन :- दाढ बुद्रुक येथील १९ वर्षानी एकञ येत महात्मा फुले विद्यालय शाळेतील माजी विद्यार्थ्यांनी शालेय आठवणीला  उजाळा दिला.यावेळी प्रमुख पाहुण्या  ना. सौ.शालीनीताई विखे पाटील समवेत  असलम शेख,कपील तांबे,पवन तांबे,एकनाथ नाईवाडी,गणेश पवार,मनिषा तांबे,सुनंदा तळोले,संदीप माकोणे,दत्तू थेटे आदी.

लोकनेते डॉ. बाळासाहेब विखे पाटील (पद्मभूषण उपाधीने सन्मानित)प्रवरा ग्रामीण शिक्षण संस्थेच्या लोणी येथील कृषी महाविद्यालत नुकताच भारतीय संविधान दिवस साजरा करण्यात आला. महाविद्यालयाच्या राष्ट्रीय सेवा योजनेच्या एककाच्या वतीने सदर कार्यक्रमाचे आयोजन केले असल्याची माहिती प्राचार्य रोहित उंबरकर यांनी दिली.

या वेळी महाविद्यालयातील विविध मान्यवरांनी भारतीय संविधाना विषयी विद्यार्थ्यांना मार्गदर्शन केले. तसेच मौजे चंद्रापुर येथे प्रभात फेरी काढून जनजागृती करण्यात आली. सदर कार्यक्रमास प्रा. रमेश जाधव,, प्रा.वाल्मिक जंजाळ, डॉ. गोविंद  शिऊरकर, प्रा. प्रियांका दिघे,प्रा.विशाखा देवकर आदि सर्व शिक्षक वृंद व विद्यार्थी मोठ्या प्रमाणात उपस्थित होते. कार्यक्रमाचे प्रास्ताविक आणि आभार राष्ट्रीय सेवा योजनेचे कार्यक्रम अधिकारी प्रा संदीप पठारे यांनी केले.

फोटो कॅप्शन:-लोणी येथील कृषी महाविद्यालत नुकताच भारतीय संविधान दिवस दिवसानिमित्त  मौजे चंद्रापुर येथे प्रभात फेरी काढून जनजागृती करण्यात आली.याप्रसंगी  प्राचार्य रोहित उंबरकर, प्रा. रमेश जाधव,, प्रा.वाल्मिक जंजाळ, डॉ. गोविंद  शिऊरकर, प्रा. प्रियांका दिघे,प्रा.विशाखा देवकर आणि विद्यार्थी

पंतप्रधान कृषी कौशल्य विकास योजना २.० आणि राज्य शासनाचे छत्रपती राजाराम महाराज उद्योजकता आणि  कौशल्य विकास अभियान व सिमेसीस लर्निंग एलएलएलपी अंतर्गत कृषिक्षेत्रात व्यावसाईक करिअर करण्याची इच्छा असलेल्या बेरोजगार किंवा इच्छुक युवक युवतींना मोफत रोजगारक्षम वयक्तिक कौशल्य विकास प्रशिक्षण मिळावे या अनुषंगाने लोणी येथील कृषी जैवतंत्रज्ञान महाविद्यालयामध्ये  सूक्ष्म सिंचन तंत्रज्ञ या पहिल्या ४० विद्यार्थ्यांच्या वर्गाचा प्रशिक्षण कार्यक्रम सुरु झाला.असल्याची माहिती संस्थेचे कृषी शिक्षण संचालक डॉ. मधुकर खेतमाळस यांनी दिली.

या  प्रशिक्षण कार्यक्रमाच्या उद्घाटनप्रसंगी प्रमुख पाहुणे म्हणून लोकनेते डॉ. बाळासाहेब विखे पाटील (पद्मभूषण उपाधीने सन्मानित) प्रवरा ग्रामीण शिक्षण संस्थेचे सह-सचिव श्री. भारत घोगरे,  कौशल्य झोनल म. फु. कृ. वि. राहुरी समन्वयक श्री. दिलीप क्षीरसागर, संस्थेचे कौशल्य विकास संचालक प्रा. धनंजय आहेर, प्राचार्य प्रा. ऋषिकेश औताडे व महाविद्यालय कौशल्य योजना समन्वयक प्रा. स्वप्नील नलगे आदी मान्यवर उपस्थितीत होते.

यावेळी प्रमुख पाहुणे व अध्यक्ष यांनी सूक्ष्म सिंचन तंत्रज्ञ या विषयातील संधी व व्यवसायासाठी प्रशिक्षण याबाबत सविस्तर मार्गदर्शन केले. तसेच हे प्रशिक्षण हे निशुल्क असून, पूर्ण केल्यानंतर राष्ट्रीय कौशल्य विकास महामंडळ, भारत सरकार यांचे द्वारे प्रमाणपत्र देण्यात येणार असून रोजगार व नोकरी मिळण्यापर्यंत मदत केली जाणार असल्याने जास्तीत जास्त युवकांनी याचा फायदा घ्यावा असे आवाहन श्री. दिलीप क्षीरसागर यांनी केले. कार्यक्रमाचे सूत्रसंचालक  सूक्ष्म सिंचन  प्रशिक्षक श्री. शुभम गायकवाड तसेच आभार  केंद्र समन्वयक श्री. संदीप समासे यांनी मानले.

फुटी कॅप्शन ;- लोणी येथील  कृषी जैवतंत्रज्ञान महाविद्यालयामध्ये सूक्ष्म सिंचन तंत्रज्ञ या पहिल्या ४० विद्यार्थ्यांच्या वर्गाचा प्रशिक्षण कार्यक्रम सुरु करतानाकृषी शिक्षण संचालक डॉ. मधुकर खेतमाळस, सह-सचिव श्री. भारत घोगरे, म. फु. कृ. वि. राहुरी समन्वयक श्री. दिलीप क्षीरसागर,  प्रा. धनंजय आहेर, प्राचार्य प्रा. ऋषिकेश औताडे  प्रा. स्वप्नील नलगे आदी.