कु. उमा शिवाजीराव खरे
लोणी येथील गृहविज्ञान व संगणक महिला महाविद्यालयातील द्वितीय वर्ष गृहविद्यान शाखेची कु. उमा शिवाजीराव खरे या विद्यार्थिनीची सावित्रीबाई फुले पुणे विद्यापीठा मध्ये “आव्हान २०१९ या राज्यस्थरीय आपत्कालीन व्यवस्थापन प्रशिक्षण शिबिरासाठी स्वयंसेवक म्हणून निवड झाली असल्याची माहिती प्राचार्य डॉ.शशिकांत कुचेकर यांनी दिली.
“आव्हान २०१९ या राज्यस्थरीय आपत्कालीन व्यवस्थापन प्रशिक्षण शिबिराचे आयोजन या वर्षी नांदेड येथील स्वामी रामानंदतीर्थ मराठवाडा विद्यापीठ या ठिकाणी दि. ३ ते १२ जून २०१९ या कालावधी मध्ये होणार आहे. यास शिबिरामध्ये सावित्रीबाई फुले पुणे विद्यापीठाच्या वतीने अहमदनगर ,पुणे आणि नाशिक या तीन जिल्ह्यामधून रा.से योजनेचे ९० स्वयंसेवक सहभागी होणार असून,यामध्ये लोणी येथील गृहविज्ञान व संगणक महिला महाविद्यालयातील द्वितीय वर्ष गृहविद्यान शाखेची कु. उमा शिवाजीराव खरे या विद्यार्थिनीची निवड झाली आहे. या विद्यार्थिनीला एन.एस.एस अधिकारी प्रा. रुपाली नवले विद्याथी विकास अधिकारी डो. अनुश्री खैरे यांचे मोलाचे मार्गदर्शन लाभले.
या विद्यार्थिनीचे प्रवरा ग्रामीण शिक्षण संस्थेचे अध्यक्ष श्री. राधाकृष्ण विखे पाटील,माजी मंत्री आण्णासाहेब म्हस्के पाटील जिल्हा परिषद अध्यक्षा ना. सौ. शालिनीताई विखे पाटील, प्रवरा कारखान्याचे अध्यक्ष खासदार डॉ. सुजय विखे पाटील, संस्थेचे महासंचालक डॉ. यशवंत थोरात, मुख्य कार्यकारी अधिकारी डॉ. अशोक कोल्हे , सहसचिव श्री. भारत घोगरे,आस्थापना संचालक डॉ. हरिभाऊ आहेर, शिक्षण संचालक प्रा दिगंबर खर्डे , प्राचार्य डो. प्रदिप दिघे सर्व शिक्षक आणि विद्यार्थ्यांनी अभिनंदन केले.