पुणे येथील गुगल पे,फोने पे,भारत पे, एम स्विप,बँक योग्य बरोडा,ओला, अम्याझोन ,दिपलेप टेक्नॉलॉजी आदी कंपन्याचा सहभाग.
लोकनेते डॉ. बाळासाहेब विखे पाटील (पद्मभूषण उपाधीने सन्मानित) प्रवरा ग्रामीण शिक्षण संस्थेच्या लोणी येथील पदमश्री विखे पाटील कला , विज्ञान , वाणिज्य महाविलाया मध्ये शनिवार दि. ११ जानेवारी २०२० रोजी प्रवरा परिसरातील बारावी ते पदवीधारक युवक युवती साठी नामांकित कंपन्यांच्या मुलाखतीचे आयोजन करण्यात आले असल्याची माहिती असल्याची माहिती संस्थेचे प्लेसमेन्ट विभागाचे अधिकारी प्रा. धनंजय आहेर यांनी दिली.
अभियांत्रिकी,फार्मसी,आर्किटेक्चर आणि कृषी पदवीधर युवक युवतींना जागतिक स्पर्ध्ये मध्ये नोकरीच्या संधी उपलब्ध व्हाव्यात या साठी संस्थेचे अध्यक्ष माजी मंत्री आ.श्री राधाकृष्ण विखे पाटील आणि महासंचालक डॉ. यशवंत थोरात यांच्या मार्गदर्शनाखाली सातत्याने विविध राष्ट्रीय आणि अंतरराष्ट्रीय कंपन्यांना प्रवरानिमंत्रिक करून पदवी प्राप्त करणाऱ्या विद्यार्थ्यांच्या परिसर मुलाखतीचे आयोजन करण्यात येत असते.औदयोगिक कंपन्यांना कौशल्यात्मक कार्यक्षमता असलेले मनुष्यबळ अपेक्षित असल्यानेच संस्थेच्या विविध महाविद्यालयातील विद्यार्थ्यांच्या स्किल डेव्हलपमेंट साठी विविध अभयसक्रमांचे आयोजन करण्यात येते. तसेच स्पर्ध्ये मध्ये प्रवरेतील विद्यार्थी टिकाव यासाठी व्यक्तिमत्वविकासा सारखे प्रशिक्षणही देण्यात येत असल्याने अस्या परिसर मुलाखतीच्या माध्यमातून दरवर्षी मोठ्या प्रमाणावर विद्यार्थ्यांना चांगल्या पगाराच्या नोकऱ्या प्राप्त झालेल्या आहेत.
त्रांत्रिक शाखेच्या विदार्थ्यांप्रमाणेच अतांत्रिक शिक्षण घेत असलेल्या विद्याथ्यांनाही नोकऱ्या प्राप्त व्हाव्यात यासाठी संस्थेचा सातत्याने प्रयत्न असतो . याचाच एक भाग म्हणून शनिवार दि. ११ जानेवारी २०२० रोजी सकाळी ठिक ८.३० वाजे पासून प्रवरा परिसरातील बारावी ते पदवीधारक कला ,वाणिज्य, विज्ञान डिप्लोमा, अभियांत्रिकी तसेच इतर कोणत्याही शाखेतील युवक युवती साठी नामांकित कंपन्यांच्या मुलाखतीचे आयोजन करण्यात आलेले आहे. या साठी पुणे येथील गुगल पे,फोने पे,भारत पे, एम स्विप,बँक योग्य बरोडा,ओला, अम्याझोन ,दिपलेप टेक्नॉलॉजी आदी कंपन्या या मुलाखती घेणार आहेत. नोकरी साठी निवड केलेल्या युवक युवतींना १.८ लाख ते ४ लाख वार्षिक वेतन या काम्नायांकडून प्राप्त होणार आहे.मुलाखतीसाठी येणाऱ्या विद्यार्थ्यांनी आपला बायोडाटा,शाळा सो. दाखला व इतर शैक्षणिक कागदपत्रांची छायांकित प्रत, दोन कलर पासपोर्ट साईज फोटो आणावेत तसेच प्रा. श्री शेळके मो. ९८९०५८७९०९ यांचेशी नावनोंदणीसाठी संपर्क करावा आणि प्रवरा परिसरातील युवक युवती या संधीचा मोठ्या संखेने उपस्थित राहून फायदा घ्यावा असे आवाहन प्राचार्य डॉ. प्रदीप दिघे यांनी केले आहे.