Asides

लोकनेते पद्मभूषण डॉ.बाळासाहेब विखे पाटील प्रवरा ग्रामीण शिक्षण संस्थेच्या कृषी महाविद्यालयाने जर्मनी मधील नामांकित “व्याटक्राफ्ट इंडस्ट्रीज प्रा. लि आणि “नेक्स्ट टू सन एर्जी” या सौर उर्जा तंत्रज्ञान विकसित करणा-या कंपन्यांशी सामंजस्य करार करण्यात आला.सदर करारानुसार जर्मनीतील या दोन मानांकित कंपन्या प्रवरेच्या कृषी महाविद्यालयाच्या प्रक्षेत्रावरती “व्हर्टीकल बायफेसिअल सोलर” तंत्रज्ञानाचे प्रात्यक्षिक तयार करणार असल्याचे महसूल मंत्री आणि संस्थेचे चेअरमन राधाकृष्ण विखे पाटील  यांनी सांगितले. तंत्रज्ञानाच्या वापराने शेतकऱ्यांना नेहमीची शेती करत असतांना सौर उर्जा निर्मीती करणे शक्य होणार आहे. सदर तंत्रज्ञान हे “नेक्स्ट टू सन एर्जी” या कंपनीने विकसित केलेले असून संपूर्ण जगभरामध्ये याचा प्रचार आणि प्रसार करण्याचे काम “व्याटक्राफ्ट इंडस्ट्रीज प्रा. लि” ही कंपनी करणार आहे. सदर प्रात्यक्षिक प्रकल्पासाठी संपूर्ण भारतातून एकमेव प्रवरा ग्रामीण शिक्षण संस्‍थेच्‍या कृषी महाविद्यालयाची निवड करण्यात आली असल्याचे विखे पाटील म्हणाले.
मुंबई येथील हॉटेल ताज मध्ये सौर उर्जा प्रकल्पा संदर्भात झालेल्या  विशेष बैठकीत उपमुख्यमंत्री आणि उर्जामंत्री ना.देवेंद्र फडणवीस, जर्मनी देशाचे व्हाइस चान्सलर रॉबर्ट हाव्यक व त्यांच्या मंत्री मंडळातील सहका-यांसमवेत या सामजस्य करारावर स्वाक्ष-या करण्यात आल्या.

प्रवरा ग्रामीण अभियांत्रिकी महाविद्यालय लोणी यांनी राष्ट्रीय स्तरावरील प्रकल्प स्पर्धा टेकएक्सोपो २०२३ चे आयोजन केले होते. या कार्यक्रमासाठी संपूर्ण भारतातून २२५ प्रकल्पांनी सहभाग घेतला अशी माहीती प्रवरा अभियांञिकीचे प्राचार्य डॉ.एस.एम.गुल्हाणे यांनी सांगितले.
या कार्यक्रमासाठी मायक्रोसॉफ्ट, मुंबईचे वरिष्ठ उद्योग कार्यकारी अधिकारी आणि इन्स्ट्रुमेंटेशन आणि नियंत्रण विभागाचे माजी विद्यार्थी महेंद्र हसबनीस हे प्रमुख पाहुणे म्हणून उपस्थित होते.
यावेळी श्री हसबनीस यांनी अभियांत्रिकीच्या विविध क्षेत्रातील तांत्रिक बदलांची माहिती दिली. त्यांनी असेही नमूद केले की आता चॅट जीपीटी तंत्रज्ञान अस्तित्वात आले आहे, त्यामुळे तुमच्या समोर अनेक संधी आणि आव्हाने आहेत. अभियांत्रिकी क्षेत्रातील तंत्रज्ञान व्यवस्थापन उदयोन्मुख आव्हानेही त्यांनी विशद केली.
सी. आय. आय. ए. मुंबईचे मुख्य मिशन प्रवर्तक श्री. कृष्णकुमार रंगनाथन सांगितले की नाविन्यपूर्ण प्रकल्पांसाठी अनेक स्टार्टअप संधी उपलब्ध आहेत. त्यांनी स्टार्टअप प्रकल्पांच्या संधी विस्तृतपणे सांगितल्या.
या स्पर्धेत अभियांत्रिकी प्रवर्गातून डॉ. वालचंद इन्स्टिट्यूट ऑफ टेक्नॉलॉजी, सोलापूरच्या विद्यार्थ्यांनी विकसित केलेल्या “स्मार्ट लर्निंग डिव्हाइस” प्रकल्पाला प्रथम पारितोषिक मिळाले. गुरू गोविंद सिंग कॉलेज ऑफ इंजिनीअरिंग अँड रिसर्च सेंटर नाशिकच्या विद्यार्थ्यांनी विकसित केलेल्या “चीट डिटेक्शन सिस्टम युजिंग एम्बेडेड क्यूआर कोड आणि स्पीच रेकग्निशन” या प्रकल्पाला द्वितीय पारितोषिक मिळाले. आणि, तिसरे पारितोषिक “डिझाइन ऑफ मल्टी-ऑपरेशनल मशीन ”
प्रवरा ग्रामीण अभियांत्रिकी महाविद्यालय लोणीच्या विद्यार्थ्यांनी विकसित केले आहे.
पॉलिटेक्निक श्रेणीतून, शासकीय पॉलिटेक्निक अहमदनगरने विकसित केलेल्या “अॅडव्हान्स डिफेन्स सिस्टिम” या प्रकल्पाला प्रथम पारितोषिक मिळाले.
संजीवनी के.बी. पी. पॉलिटेक्निक कोपरगावच्या विद्यार्थ्यांनी विकसित केलेल्या सी,एन,एन. आधारित फेस रिकग्निशन” या प्रकल्पाला द्वितीय पारितोषिक मिळाले.
आणि तिसरे पारितोषिक जिंकले अमृतवाहिनी पॉलिटेक्निक, संगमनेरच्या विद्यार्थ्यांनी विकसित केलेला “फॉरेस्टेशन डिटेक्शन सिस्टम” प्रकल्पाने.
या प्रसंगी संजीवनी के बी पी पॉलिटेक्निकला “टेक एक्सपो-२०२३ मध्ये सर्वोत्कृष्ट महाविद्यालयाचा सहभाग” हा पुरस्कार मिळाला.

लोकनेते पद्यभुषण डाॅ.बाळासाहेब विखे पाटील प्रवरा ग्रामीण शिक्षण संस्थेच्या लोणी येथील प्रवरा ग्रामीण अभियांत्रिकी महाविद्यालयाच्या संगणक अभियांत्रिकी,माहिती तंत्रज्ञान & इलेक्ट्रॉनिक्स आणि संगणक अभियांत्रिकी इंजिनीरिंग विभागातर्फे “पीआरईसीकॉन २०२३“ या अंतर्गत दोन दिवसीय राष्ट्रीय परिषदेचे आयोजन करण्यात आले होते. यामध्ये देश विदेशातील तज्ञांनी आपला सहभाग नोंदविला अशी माहिती महाविद्यालयाचे प्राचार्य. डॉ. संजय गुल्हाने यांनी दिली.
यावेळी महाविद्यालयाचे प्राचार्य. डॉ. संजय गुल्हाने यांनी सांगितले की या राष्ट्रीय परिषदेमुळे मुळे देशातील विविध भागातील विद्यार्थांना वेगवेगळ्या तंत्रज्ञानाच्या माहितीची देवाण घेवाण होणार आहे. तसेच प्रवरा ग्रामीण अभियांत्रिकी महाविद्यालयाच्या विद्यार्थ्यांच्या कलागुणांना वाव देण्याचा महाविद्यालयाचा मानस आहे. त्यामुळे महाविद्यालयात शिकत असलेल्या विद्यार्थ्यांना त्यांच्या अभ्यासक्रमानंतर पुढील करियरसाठी नक्कीच लाभ होणार आहे. या दोन दिवसीय राष्ट्रीय परिषदेचे उद्घाटन प्रवरा ग्रामीण संस्थेचे अतिरिक्त मुख्य कार्यकारी अधिकारी आणि परिषदेचे अध्यक्ष डॉ. शिवानंद हिरेमठ यांच्या हस्ते झाले. विशेष अथिती म्हणून लंडनमधील इन्फोसिस मध्ये लीड कन्सल्टंट श्री रवींद्र शेळके, मुख्यवक्ते श्री. अमोल पोटगंटवार, श्री नरेन्द्र जाधव यांनी ऑनलाईन माध्यमातून आपले मनोगत व्यक्त केले.
याप्रसंगी बोलताना श्री रवींद्र शेळके यांनी या उपक्रमचे विशेष कौतुक करत औद्योगिक क्षेत्रातील नवनवीन तंत्रज्ञान व त्यामध्ये सातत्याने होणारे बदल हा शैक्षणिक अभ्यासक्रमात उपयुक्त होणार असल्याचा विश्वास व्यक्त करुन हा उपक्रम दरवर्षी आयोजित केल्याने विद्यार्थी, शिक्षणतज्ज्ञ आणि संशोधकांसाठी यासाठी हक्काचे व्यासपीठ उपलब्ध झाले आहे. परिषदेसाठी विविध राज्यांमधून अभियांत्रिकीच्या विविध क्षेत्रातील विविध शिक्षक व विद्यार्थी सहभागी झाले होते. या परिषदेमध्ये एकून २०० हून अधिक स्पर्धकांनी सहभाग घेतला होता.यामध्ये पलक करीर,वैष्णवी विश्वासराव,ईश्वरी शिंदे,रामेश्वर गाडेकर,स्वहम राजू,दिनेश जाकीत या विद्यार्थ्यानी विशेष प्राविण्य मिळविले. कार्यक्रमचे प्रस्ताविक प्रा. महाजन यांनी केले आभार प्रदर्शन डॉ. कोरडे यांनी केले. या परिषदेचे संयोजन प्राध्यापिका सीमा लव्हाटे, डॉ. मिनिनाथ बेंद्रे, प्राध्यापक सचिन भोसले यांनी केले तर ही परिषद यशस्वी होण्यासाठी परिषदेचे समन्वयक प्रा. शकील शेख, प्रा. कमलेश कडू, प्रा. धनंजय राक्षे,सर्व शिक्षक व शिक्षकोत्तर कर्मचारी यांनी विशेष परिश्रम घेतले.

प्रवरा औषधनिर्माणशास्र महाविद्यालयात उद्योग संस्था परिसवांद

लोकनेते पद्माभूषण डाँ.बाळासाहेब विखे पाटील प्रवरा ग्रामीण शिक्षण संस्थेचे प्रवरा ग्रामीण औषधनिर्माणशास्र महाविद्यालयात उद्योग संस्था परिसवांद नुकताच संपन्न झाला. या माध्यमातून नोकरीच्या विविध संधी आणि औषधनिर्माण उद्योजकता यावियषी तज्ञांनी मार्गदर्शन केले अशी माहिती महाविद्यालयाचे प्राचार्य डॉ. संजय भवर यांनी दिली.
महाविदयालयाने विद्यार्थ्यांना भविष्यात नोकरी साठी येणाऱ्या अडचणी व त्यावर उपाय योजना या उद्देशाने विविध नामांकित कंपनीच्या एच आर व्यवस्थापक मंडळी बरोबर परिसवांद महाविद्यालयात आयोजित करण्यात आला होता. या परिसवांदासाठी जे. बि. केमिकल्स प्रा. लीचे उपाध्यक्ष मनोज चिटणीस, प्रिझम लाइफ सायन्स संस्थापक संचालक अजय जोशी हे प्रमुख पाहुणे म्हणून उपस्थित होते. कार्यक्रमच्या अध्यक्षस्थानी जिल्हा परिषदेच्या माजी अध्यक्षा सौ. शालिनीताई विखे पाटील तर प्रमुख अतिथी माजी मंञी श्री. अण्णासाहेब म्हस्के पाटील हे व्यवस्थापन प्रतिनिधी म्हणून उपस्थित होते. त्याचबरोबर सिरिम इन्स्टिटयूट चे जनरल मॅनेजर श्री. पंकज ठाकूर, प्रीमियम सिरम चे उपाध्यक्ष श्री. संदीप पाटील, सन फार्मा चे श्री.मीनाकेतन राय, सिप्ला च्या सौ. गीता राय डब्लू. एन. एस च्या सौ. नीता नाशिककर,सौ. श्रद्धा कोकणे, साईटेक फार्मा चे चैतन्य बोरावके, रेव फार्मा. चे रोहित पांडे, सक्सेस्स अकॅडेमि चे श्री. गणेश आव्हाड हे प्रतिनिधी म्हणून उपस्थित होते. यासभे मुळे महाविद्यालय आणि फार्मा कंपन्या मधील अंतर कमी होऊन विद्यार्थ्यांना नोकरी, संशोधन, प्रशिक्षण इत्यादी क्षेत्रात काम करण्याच्या संधी उपलब्ध होतील असे मत सर्व औषधनिर्माण शास्ञ महाविद्यालयाचे संचालक श्री. बी. एम. पाटील यांनी व्यक्त केले.
श्री. चिटणीस यांनी फार्मा कंपनीची सध्य परिस्थिती व विद्यार्थ्यांकडून अपेक्षा यावर मार्गदर्शन केले तर श्री पंकज ठाकूर यांनी औषधनिर्माणशास्त्र क्षेत्रातील संशोधणातील संधी यावर आपला मत प्रदर्शित केले.
सौ. नाशिककर यांनी औषधनिर्मानशास्त्रतील विविध नवीन नोकरी क्षेत्र यावर विद्यार्थांना संबोधित केले. महाविद्यालयाचे माजी विद्यार्थी श्री अजय जोशी यांनी उद्योजक्ता कसा घडतील यांवर प्रकाशझोत टाकला.
विद्यार्थ्यांना या उपक्रमाचा फायदा भविष्यात नोकरीसाठी होणार आहे.महाविद्यालयात स्वतंत्र ट्रैनिंग व प्लेसमेंट विभाग कार्यरत असून या विभागंतर्गत या सभेचे आयोजन करण्यात आले होते. या सभे साठी एकूण ३५० विद्यार्थी सहभागी झाले होते.
हा उपक्रम यशस्वी होण्यासाठी ट्रेनिंग आणि प्लेसमेंट अधिकारी प्रा. सोमेश्वर मनकर ,माजी विद्यार्थी संघटना प्रमुख सौ. हेमलता भवर, डॉ. संतोष दिघे, डॉ. सुहास सिद्धेश्वर व इतर सर्व शिक्षक तसेच सर्व विद्यार्थी प्रतिनिधी यांनी विशेष परिश्रम घेतले. कार्यक्रमचे सूत्रसंचालन डॉ. सोमेश्वर मनकर यांनी तर आभार प्रदर्शन प्राचार्य श्री. संजय भवर यांनी केले.

लोणी येथील लोकनेते पद्यभुषण डाॅ.बाळासाहेब विखे पाटील प्रवरा ग्रामीण शिक्षण संस्थेच्या लोणी येथील पद्मश्री विखे पाटील महाविद्यालयाच्या वाणिज्य विभागातील विद्यार्थ्यांमध्ये व्यावहारिक ज्ञान वृद्धिंगत होण्याच्या दृष्टिकोनातून वाणिज्य महोत्सल आयोजन करण्यात आले. त्यात विविध स्वरूपाचे ४० स्टॉल विद्यार्थ्यांनी थाटले. या स्टॉलच्या माध्यमातून महाविद्यालयीन विद्यार्थ्यांनी ५३ हजार रुपयांची कमाई केली. अवघ्या तीन तासांमध्ये खाद्य संस्कृती, कृषी संस्कृती, व्यापार व व्यवसाय तसेच इलेक्ट्रॉनिक साधने, फॅशनेबल ड्रेस, ज्ञान- विज्ञान व मनोरंजनपर उपक्रम याबरोबरच विविध स्टॉलच्या माध्यमातून महाविद्यालयीन विद्यार्थ्यांना मार्केटिंग कशा पद्धतीने केले जाऊ शकते याचे ज्ञान मिळाले. अतिशय कमी कालावधीमध्ये या उपक्रमाला महाविद्यालयीन विद्यार्थ्यांचा प्रचंड प्रतिसाद मिळाला. एक आगळावेगळा उपक्रम यानिमित्ताने महाविद्यालय संपन्न झाला. अशी माहिती महाविद्यालयाचे प्राचार्य डॉ. प्रदीप दिघे यांनी दिली.
वाणिज्य विभागाच्या वतीने झालेल्या या महोत्सवास संस्थेचे संचालक अण्णासाहेब भोसले,अलकाताई दिघे, उपप्राचार्य डॉ. भाऊसाहेब रणपिसे आदी उपस्थित होते. वाणिज्य विभागातील विद्यार्थ्यांनी खाद्यपदार्थ ज्वेलरी, फॅशनेबल कपडे यांच्यासह इलेक्ट्रॉनिक वाहने यांचे स्टॉल अतिशय नाविन्यपूर्ण पद्धतीने सजविले होते. महाविद्यालयात संपन्न झालेल्या या खाद्य संस्कृतीला महाविद्यालयीन विद्यार्थ्यांनी प्रचंड प्रतिसाद दिला. व यानिमित्ताने एक आगळावेगळा उपक्रम सर्वांनीच अनुभवला. यासाठी वाणिज्य विभागातील डॉ. विजय खर्डे, डॉ. विजय निर्मळ, डॉ. विजय शिंदे प्रा. ताजने, प्रा. गोपाळे, प्रा. ठोके, प्रा.रंजना दिघे यांनी विशेष परिश्रम घेतले. या आगळ्यावेगळ्या उपक्रमाचे प्राचार्य प्रदीप दिघे, उपप्राचार्य आर. जी.रसाळ, उपप्राचार्य वाबळे ए.एस. उपप्राचार्या छाया गलांडे यांच्यासह सर्व प्राध्यापक व प्राध्यापकेतर कर्मचारी यांनीही यासाठी विशेष परिश्रम घेतले.

भारत सरकारच्या पेट्रोलियम आणि नैसर्गिक वायू मंत्रालयाच्या अंतर्गत असणाऱ्या पेट्रोलियम संरक्षण अनुसंधान संघाने घेतलेल्या “सक्षम : राष्ट्रीय निबंध, पेंटिंग व प्रश्नमंजुषा स्पर्धा २०२२” मधील “हरित और स्वच्छ उर्जा अपनाएँ, आजादी का अमृत महोत्सव मनाएँ” या संकल्पनेवर आधारित पेंटिंग स्पर्धेत प्रवरा कन्या विद्या मंदिर व कनिष्ठ महाविद्यालयाच्या इ. १० वीमध्ये शिकणाऱ्या कु. स्नेहल व तेजल सूर्यभान तांबे या भगिणीनी “सर्वोत्कृष्ट राज्यस्तरीय पेंटिंग” हा पुरस्कार प्राप्त केला. अशी माहीती प्राचार्या दिप्ती आॅडेप यांनी दिली.

या विजयी स्पर्धेत रुपये चार हजार रोख आणि उपलब्धी प्रशस्तीपत्र असे या पुरस्काराचे स्वरूप आहे. लोकनेते पद्यभुषण डाॅ.बाळासाहेब विखे पाटील प्रवरा ग्रामीण शिक्षण संस्थेच्या वतीने शिक्षणांसोबतचं विविध स्पर्धेसाठी प्रोत्साहन दिले जाते.यामुळे प्रवरेतील विद्यार्थी कायमचं विविध स्पर्धेत विजयी ठरत असतात. या स्पर्धेतील सर्व विद्यार्थिनींना संगणक विभाग प्रमुख प्रा. गिरीश सोनार, श्री. जितेंद्र बोरा, श्री. सुरेश गोडगे, कु. पल्लवी पवार, कु. सोनाली मेढे यांचे मार्गदर्शन लाभले.
यशस्वी विद्यार्थ्याचे संस्थेचे अध्यक्ष आणि महसूल मंञी ना.राधाकृष्ण विखे पाटील,माजी मंञी अण्णासाहेब म्हस्के पाटील,जिल्हा परिषदेच्या माजी अध्यक्षा सौ.शालीनीताई विखे पाटील,खा.डाॅ.सुजय विखे पाटील,संस्थेचे सह सचिव भारत घोगरे,अतिरिक्त मुख्यकार्यकारी अधिकारी डाॅ.शिवानंद हिरेमठ, शिक्षण संचालिका सौ. लीलावती सरोदे यांनी अभिनंदन केले आहे.

शिक्षणासोबतचं विद्यार्थ्याना विविध ज्ञान देण्यात प्रवरा शैक्षणिक संकुल हे आघाडीवर…….. सागर भाले

शिक्षणासोबतचं विद्यार्थ्याना विविध ज्ञान देण्यात प्रवरा शैक्षणिक संकुल हे आघाडीवर आहे.ग्रामीण मुले ही सर्वच क्षेञात आघाडीवर असले तरी प्रवरेत वेळोवेळी होणारे व्यक्तीमहत्व प्रशिक्षणे आणि कौशल्य आधारीत प्रशिक्षणांमुळे प्रवरेचा विद्यार्थी हा हर्व गुणसंपन्न आहे असे प्रतिपादन रुबीकॉन स्किलचे संचालक सागर भाले यांनी केले.
लोकनेते पद्यभुषण डॉ. बाळासाहेब विखे पाटील प्रवरा ग्रामीण शिक्षण संस्थेचे कला, वाणिज्य व विज्ञान महाविद्यालय सात्रळ येथे
संस्थेचे अध्यक्ष आणि महसूल मंञी ना. राधाकृष्ण विखे पाटील यांच्या मार्गदर्शनाखाली ट्रेनिंग प्लेसमेंट सेल आणि रुबीकॉन स्किल प्रायव्हेट लिमिटेड ,पुणे यांच्या संयुक्त विद्यमाने चार दिवसीय सॉफ्ट स्किल डेव्हलपमेंट ट्रेनिंग प्रोग्राम आयोजित करण्यात आला होता. यावेळी सागर भाले बोलत होते.
प्रशिक्षण कर्यक्रमात विद्यार्थ्यांनी स्वतःची ओळख कशी करून द्यावी,मुलाखतीस जातांना तसेच मुलाखतीपूर्वीची तयारी, मुलाखती दरम्यान द्यावयाची उत्तरे, संभाव्य प्रश्न , मुलाखतीनंतर काय करावे, या सर्वांची तयारी, स्वतःचे ज्ञान आणि अज्ञान कसे ओळखावे आणि त्याचा आपल्या भविष्यासाठी वापर कसा करावा तसेच वेगवेगळ्या प्रात्यक्षिकांतून मुलांकडून या सर्व गोष्टींची तयारी करून घेतली.खाजगी क्षेञामध्ये काम करतांना आपली वागणूक कशी असावी या सर्व गोष्टींचे विद्यार्थ्यांना प्रशिशक श्री हंजला खान आणि श्री सागर भाले यांनी तयारी करून घेतली. या चार दिवसांमध्ये प्रत्येक विद्यार्थी आणि विद्यार्थिनी उस्फूर्तपणे सहभागी होऊन प्रत्येक गोष्ट शिकून घेतली अतिशय खेळीमेळीच्या वातावरणात हे चार दिवसांचा ट्रेनिंग प्रोग्राम पार पडला.या ट्रेनिंग साठी ३५० विद्यार्थ्यांनी सहभाग नोंदविला.
यावेळी महाविद्यालयाच्या ट्रेनिंग प्लेसमेंट सेल च्या समन्वयक सौ. छाया कार्ले यांनी चार दिवसांचा प्रशिक्षण कार्यक्रमाचा आढावा घेतला. . या प्रसंगी कु. पुनम गागरे, पांडुरंग मुसमाडे, कु .सायली हारदे, सचिन मुसमाडे, तृतीय वर्ष विज्ञान, अनिकेत बेलकर, अश्विनकुमार सजगुरे, कु.मन्सुरी जैनाब, कु. मोहिनी ढेपे आदींनी आपले मनोगत व्यक्त केले. कार्यक्रमासाठी संस्थेचे मुख्य कार्यकारी अधिकारी डाॅ.शिवानंद हिरेमठ , शिक्षण संचालक डॉ. पी एम दिघे , संस्थेचे प्लेसमेंट अधिकारी डॉ. मनोज परजणे महाविद्यालयाचे प्राचार्य डॉ. प्रभाकर डोंगरे उपप्राचार्य डॉ.जयश्री सिनगर , डॉ.दिपक घोलप यांचे मोलाचे मार्गदर्शन लाभले हा कार्यक्रम यशस्वीतेसाठी ट्रेनिंग प्लेसमेंट सेल च्या समन्वयक सौ. छाया कार्ले, प्रा. स्वाती कडू, प्रा.प्रियांका तांबे, प्रा. गौरी क्षिरसागर ,प्रा.हरी दिवेकर, प्रा. देविदास हारदे ,प्रा. तुषार कडस्कर , प्रा.सुधीर वाघे ,प्रा. राहुल कडू यांनी प्रशिक्षणाच्या यशस्वीतेसाठी परिश्रम घेतले.
कु. प्रांजल शिंगोटे आणि कु. मयुरी नांगरे कार्यक्रमाचे सूत्रसंचालन तर आभार प्रा. स्वाती कडू यांनी आभार मानले.

प्रवरेच्या १८४२ विद्यार्थ्याची बहुराष्ट्रीय कंपनी निवड

गुणवत्ता पूर्ण शिक्षण आणि रोजगार उपलब्धी हाच प्रवरेचा ध्यास आहे. ग्रामीण भागातील विद्यार्थ्यानी आई-वडीलांच्या अपेक्षा पूर्ण करतांना आत्मविश्वासाने पुढे जावे असे जिल्हा परिषदेच्या माजी अध्यक्षा सौ. शालिनीताई विखे पाटील यांनी केले. यावर्षी १८४२ विद्यार्थ्याची बहुराष्ट्रीय कंपनीत झालेली निवड हा प्रवरा परीवारासाठी अभिमानाची बाब असल्याचे त्यांनी सांगितले.

लोकनेते पद्मभुषण डॉ. बाळासाहेब विखे पाटील प्रवरा ग्रामीण शिक्षण संस्थेच्या ट्रेनिंग अँण्ड प्लेसमेंट विभागाने आयोजित बहुराष्ट्रीय कंपन्यामध्ये निवड झाल्यालेल्या विद्यार्थ्याच्या सत्कार समारंभात सौ. विखे पाटील बोलत होत्या.

यावेळी संस्थेचे अतिरिक्त मुख्यकार्यकारी अधिकारी डॉ. शिवानंद हिरेमठ, डॉ. विठ्ठलराव विखे पाटील तञ निकेतनचे प्राचार्य डॉ. व्ही आर. राठी, औषध निर्माणशास्त्रज्ञ महाविद्यालयाचे प्राचार्य डॉ. संजय भवर, डॉ रविंद्र जाधव, गृह विज्ञान महाविद्यालयाच्या प्राचार्या डॉ. अनुश्री खैरे, आय. टी. आयचे प्राचार्य अर्जुन आहेर, प्लेसमेंट विभागाचे प्रमुख डॉ. मनोज परजणे आदीसह निवड झालेले विद्यार्थी उपस्थित होते.

आपल्या मार्गदर्शनात सौ विखे पाटील म्हणाल्या सामान्य जनतेच्या मुलांना उच्च शिक्षण मिळावे. शिक्षणातून त्यांची प्रगती व्हावी. हा पद्मश्री डाॅ. विठ्ठलराव विखे पाटील, पद्मभूषण डॉ. बाळासाहेब विखे पाटील यांचा प्रयत्न होता आज संस्थेचे अध्यक्ष आणि महसूल मंत्री ना. राधाकृष्ण विखे पाटील यांच्या माध्यमातून दर्जेदार शिक्षणासोबत नोकरीची उपलब्धता हे धोरण आहे. आज संस्थेची १८४२ विद्यार्थ्यांची निवड हा मोठा आनंद असून हेच स्वप्न पद्मभूषण डॉ. बाळासाहेब विखे पाटील यांचे होते. मुलांनी बाहेर जावून नोकरी करावी यासाठी आई-वडीलांनी त्यांना प्रोत्साहन द्यावे. निवड झालेल्या क्षेत्रात अनुभव घेत पुढे जा असा संदेश देतानाच संस्थेचे आणि आपल्या परिवारांचे नांव मोठे करा असे ही सांगितले.

यावेळी डॉ. शिवानंद हिरेमठ यांनी प्लेसमेंट विभागाचे कार्य हे गौरव प्राप्त आहे. विविध सेवा सुविधा, करिअर मार्गदर्शन यामुळे प्रवरेचा प्लेसमेंट विभाग आघाडीवर असल्याचे सांगितले. प्रारंभी प्राचार्य अर्जुन आहेर यांनी पद्मश्री विखे पाटील महाविद्यालय, तंत्रनिकेतन, आय. टी. आय, गृह विज्ञान महाविद्यालय, औषधनिर्माण महाविद्यालय यांतून नोकरी प्राप्त २०२२- २०२३ च्या आढावा घेतला. कार्यक्रमाचे आभार डाॅ.संजय भवर यांनी मानले.

कोट……
पालकांनो मुलांची काळजी करु नका प्रवरा
शैक्षणिक संकुलातून आदर्श विद्यार्थी घडत असतो.मुलांसोबत मुलीही नोकरी मिळविण्यात आघाडीवर आहेत. आपल्या मुलांना पाठबळ देण्यासाठी विखे पाटील परिवार त्यांच्या सोबत आहे. नोकरी सोबतचं स्वता: ची कंपनी स्थापना करा. देशात आणि परदेशात संस्थेचे माजी विद्यार्थी आहेत. त्याचे मार्गदर्शन घेऊन पुढे जातांना आत्मविश्वास कायम ठेवा हा संदेश सौ.विखे पाटील यांनी दिला.

विखे महाविद्यालयात माता कॉलेजच्या दारी उपक्रम

आई-वडील मुलांना घडवितात तर शिक्षणांतून आत्मविश्वास मिळत असतो.जीवनात मोठं व्हा पण आई-वडीलांनी केलेला त्याग,कष्ट मुलांनी विसरु नये. संस्कारांची शिदोरी जपा असे संदेश जिल्हा परीषदेच्या माजी अध्यक्षा सौ. शालिनीताई विखे पाटील यांनी विद्यार्थ्याना दिला.

लोकनेते पद्मभुषण डाॅ.बाळासाहेब विखे पाटील प्रवरा ग्रामीण शिक्षण संस्थेच्या
पद्मश्री डॉ. विखे पाटील कला,विज्ञान व वाणिज्य महाविद्यालयात महिला सक्षमीकरण कक्ष व रसायनशास्त्र विभाग यांच्या संयुक्त विद्यमाने जागतिक महिला दिनाच्या निमित्ताने”माता कॉलेजच्या दारी”आणि रक्त तापणसी शिबीर,शाररिक आरोग्य तपासणी शिबीर आणि कोविड लसीकरण मोहीम तपासणी शिबीराचे त्यांच बरोबर खास मातासाठी सास्कृतिक कार्यक्रम आणि विविध फनी गेमच्या उदघाटन सौ. शालिनीताई विखे पाटील यांच्या उपस्थितीत करण्यात आले.यावेळी शिक्षण संचालिका सौ.लीलावती सरोदे, महाविद्यालयाचे प्राचार्य डॉ प्रदीप दिघे,गृह विज्ञान महाविद्यालयांच्या प्राचार्या डाॅ.अनुश्रश्री खैरे,पी एम टीच्या डाॅ.वसुंधरा पाटील,आरोग्य सल्लागार समिना पठाण,उमा खरे,उप- प्राचार्या प्रा. छाया गलांडे,डाॅ.कल्पना पलघडमल,डाॅ.वैशाली मुरादे आदी उपस्थित होते.

आपल्या मार्गदर्शनात सौ. विखे पाटील म्हणाल्या, शिक्षणातून मुलाच्या पंखात बळ मिळते. आपल्या अनुभवातूनच ज्ञान मिळते. आई-वडीलांचा नावलौकीक वाढवा त्याच्या कष्टाची जाणीव ठेवा त्याच्या कष्टाची तुलना कशानेही होणार नाही असे मुलांना सांगून आईने मुलांशी बोलतांना त्यांना समजून घ्या, त्यांना आत्मविश्वास द्या. मुलांनी आपली ओळख निर्माण करतांना आई-वडीलांचा सन्मान करावा अशी अपेक्षा व्यक्त केली. महीलांनी आपल्या आरोग्याची काळजी घेत असतानाच सामान्य ज्ञान मिळवा. स्वता:ला वेळ द्या आरोग्यदायी आहार घ्या असे आवाहन केले.

महीलांच्या आरोग्याविषयी माहीती देतांना डॉ. वसुंधरा पाटील यांनी एच. बी. पी. सी. ओ.डी. गर्भपिशवीचा कॅन्सर याविषयी मार्गदर्शन करतांना आपल्या आरोग्याची वेळोवेळी तपासणी करा असा सल्ला दिला. यावेळी संध्या गिधाड, नितीन गागरे, पुजा खेडकर या विद्यार्थ्यांनीही मनोगत व्यक्त केले. प्रास्ताविकांमध्ये प्रा. छाया गलांडे यांनी महाविद्यालयाचा आढावा घेतला कार्यक्रमाचे सुत्रसंचालन डॉ. शांताराम चौधरी, प्रा. हर्षल खर्डे, प्रा. तन्वी चिटणीस यांनीकेले. आभार डॉ. जी आर पांढरे यांनी मानले.

कोट….
आम्ही जन्म दिला पण या महाविद्यालयाने मुलांना आदर्श संस्कार दिले. केवळ मार्गदर्शन केल्यामुळे मुलांने नांव मोठं केल अशी भावनिक प्रतिक्रिया वाद-विवाद स्पर्धेत विजयी झालेल्या संध्याच्या आई मंदा गिधाड यांनी दिली.

महीलांनी एकमेकीनां नांवे ठेऊ नका.
बचत गटातून टाकाऊ पासून टिकाऊ हा संदेश पंतप्रधान नरेंद्रजी मोदी यांनी दिला आहे. यांतून स्वयंरोजगार करा. विधवा महीलांनाही सन्मान द्या. घर तोडण्यापेक्षा घर जोडा. घटस्फोट वाढले आहेत हे गांभीर्याने घ्या. अन्नाची सार्वजनिक कार्यक्रमात होणारी नासाडी होवू देवू नका असा सल्ला सौ. विखे पाटील यांनी दिला.

राज्याचे महसूल मंत्री ना. श्री राधाकृष्ण विखे पाटील यांच्या संकल्पनेतून ग्रामीण भागातील व शेतकऱ्याच्या मुलांना रोजगाराच्या जास्तीत- जास्त संधी कशा उपलब्ध होतील या भूमिकेतून सातत्याने त्यांचा आग्रह असतो. यासाठी लोकनेते पद्यभुषण डाॅ. बाळासाहेब विखे पाटील प्रवरा ग्रामीण शिक्षण संस्था नेहमी अग्रेसर असते. याचाच एक भाग म्हणून नुकतेच मैकलियोड फार्मास्युटिकल्स प्रा.ली आणि आयटी या कंपन्यांनी महाविद्यालयीन विद्यार्थ्यांचा कॅम्पस इंटरव्यू श्री अमित खानबार व श्री पटेल घेतला.व त्यातून मैकलियोड फार्मास्युटिकल्स प्रा.ली या कंपनीने ५५ विद्यार्थ्यांची निवड केली; तर आयटी कंपनीचे श्री रोहित खरात व श्री सचिन चव्हाण यांनी विद्यार्थ्यांचा कॅम्पस इंटरव्यू व त्यातून त्यांनी ०५ विद्यार्थ्यांची निवड केली. अशी माहिती महाविद्यालयाचे प्राचार्य डॉ. प्रदीप दिघे यांनी दिली.
महाविद्यालयात जास्तीत-जास्त मुलाखातींचे आयोजन करून ग्रामीण भागातील विद्यार्थ्यांना रोजगाराच्या संधी उपलब्ध व्हाव्यात यासाठी राज्याचे महसूलमंत्री ना. राधाकृष्ण विखे पाटील, जिल्हा परिषदेच्या माजी अध्यक्षा सौ. शालिनीताई विखे पाटील, खा.डॉ. सुजय विखे पाटील, माजी मंत्री अण्णासाहेब म्हस्के पाटील, संस्थेचे सह सचिव श्री.भारत घोगरे, अतिरिक्त मुख्य कार्यकारी अधिकारी डॉ. शिवानंद हिरेमठ आदीचे सातत्याने मार्गदर्शन लाभत असते. प्लेसमेंट सेलचे प्रमुख प्रा. मनोज परजणे, डॉ. हरिभाऊ दुबे व प्लेसमेंट सेलचे श्री आप्पासाहेब शेळके हे सातत्याने त्याचा पाठपुरावा करतात आणि जास्तीत जास्त विद्यार्थ्यांना रोजगाराच्या संधी कशा उपलब्ध होतील हे पाहत असतात. निवड झालेल्या विद्यार्थ्यांच्या पालकांनी महाविद्यालयाच्या या उपक्रमाविषयी आपली कृतज्ञता व्यक्त केली आहे.

पालकांनी मुलांच्या कलेला संधी देण्याचे काम करावे. आपली स्वप्ने त्यांच्यावर न आदला त्यांना करिअरसाठी प्रोत्साहन द्या कलेतून ही चांगले करीअर घडू शकले. प्रवरेच्या माध्यमातून विद्यार्थ्याच्या सुप्त संधीना नेहमीच प्रोत्साहन दिले जाते असे प्रतिपादन जिल्हा परीषदेच्या माजी अध्यक्षा सौ. शालीनीताई विखे पाटील यांनी केले.
लोकनेते पद्मभूषण डॉ. बाळसाहेब विखे पाटील प्रवरा ग्रामीण शिक्षण संस्था,लोणी आणि कला अध्यापक संघ यांच्या वतीने पद्मश्री डॉ. विठ्ठलराव विखे पाटील जयंती निमित्त आयोजित भव्य ललित कला स्पर्धा 2022 च्या पारितोषिक वितरण कार्यक्रमात सौ. विखे पाटील बोलत होत्या.यावेळी संस्थेच्या शिक्षण संचालिका सौ. लिलावती सरोदे, प्राचार्या भारती देशमुख, डॉ. अण्णासाहेब तांबे, श्री.विद्या घोरपडे,श्री.गिरीश सोनार,संयोजन समितीचे श्री.एम. डी. जरे, श्री.एस. बी. मोरे, श्री.जे पी बोरा, श्री.बी टी वडतिके आदीसह स्पर्धेत सहभागी झालेले विद्यार्थी आणि पालक, विविध शाळांचे मुख्याध्यापक, कला शिक्षक उपस्थित होते.
आपल्या मार्गदर्शनात सौ विखे पाटील म्हणाल्या, ग्रामीण विद्यार्थ्यांचे स्वप्न पूर्ण करण्याचे काम प्रवरेच्या शैक्षणिक संकुहाकडून होत आहे. आपल्याकडे असलेली कला हे देखिल चांगले करीअर आहे. त्याचा योग्य रित्या वापर करतांना त्यामध्ये नवीन गोष्टी शिकत पुढे जा शिक्षणात स्पर्धा असली तरी या स्पर्धेला समोरे जातांना आपले ध्येय, चिकाटी आणि परिश्रम यांतून यश नक्की मिळले असे सांगून यश-पराजयाची चिंता न करता स्पर्धेत सहभागी होत रहा असा संदेश दिला.
यावर्षाच्या स्पर्धेत ७० विविध शाळेतून १२ हजार विद्यार्थ्यांनी चित्रकला, रंगभरण, हस्ताक्षर स्पर्धेत सहभाग नोंदविला.याशिवाय गुणवंत शिक्षकांनीही सहभाग घेतला. कार्यक्रमाचे सुत्रसंचालन आर. टी. चासकर आणि किशोर आहेर यांनी तर आभार आर. पी. को-हाळे यांनी मानले.

पालकांनी मुलांच्या कलेला संधी देण्याचे काम करावे. आपली स्वप्ने त्यांच्यावर न आदला त्यांना करिअरसाठी प्रोत्साहन द्या कलेतून ही चांगले करीअर घडू शकले. प्रवरेच्या माध्यमातून विद्यार्थ्याच्या सुप्त संधीना नेहमीच प्रोत्साहन दिले जाते असे प्रतिपादन जिल्हा परीषदेच्या माजी अध्यक्षा सौ. शालीनीताई विखे पाटील यांनी केले.
लोकनेते पद्मभूषण डॉ. बाळसाहेब विखे पाटील प्रवरा ग्रामीण शिक्षण संस्था,लोणी आणि कला अध्यापक संघ यांच्या वतीने पद्मश्री डॉ. विठ्ठलराव विखे पाटील जयंती निमित्त आयोजित भव्य ललित कला स्पर्धा 2022 च्या पारितोषिक वितरण कार्यक्रमात सौ. विखे पाटील बोलत होत्या.यावेळी संस्थेच्या शिक्षण संचालिका सौ. लिलावती सरोदे, प्राचार्या भारती देशमुख, डॉ. अण्णासाहेब तांबे, श्री.विद्या घोरपडे,श्री.गिरीश सोनार,संयोजन समितीचे श्री.एम. डी. जरे, श्री.एस. बी. मोरे, श्री.जे पी बोरा, श्री.बी टी वडतिके आदीसह स्पर्धेत सहभागी झालेले विद्यार्थी आणि पालक, विविध शाळांचे मुख्याध्यापक, कला शिक्षक उपस्थित होते.
आपल्या मार्गदर्शनात सौ विखे पाटील म्हणाल्या, ग्रामीण विद्यार्थ्यांचे स्वप्न पूर्ण करण्याचे काम प्रवरेच्या शैक्षणिक संकुहाकडून होत आहे. आपल्याकडे असलेली कला हे देखिल चांगले करीअर आहे. त्याचा योग्य रित्या वापर करतांना त्यामध्ये नवीन गोष्टी शिकत पुढे जा शिक्षणात स्पर्धा असली तरी या स्पर्धेला समोरे जातांना आपले ध्येय, चिकाटी आणि परिश्रम यांतून यश नक्की मिळले असे सांगून यश-पराजयाची चिंता न करता स्पर्धेत सहभागी होत रहा असा संदेश दिला.
यावर्षाच्या स्पर्धेत ७० विविध शाळेतून १२ हजार विद्यार्थ्यांनी चित्रकला, रंगभरण, हस्ताक्षर स्पर्धेत सहभाग नोंदविला.याशिवाय गुणवंत शिक्षकांनीही सहभाग घेतला. कार्यक्रमाचे सुत्रसंचालन आर. टी. चासकर आणि किशोर आहेर यांनी तर आभार आर. पी. को-हाळे यांनी मानले.